Fame Negra - Fisober B. 2-0.

LIGA PROVINCIAL

RESULTADO : FAME NEGRA – FISOBER B “CONCELLO DE VIMIANZO”. 2-0.

FAME NEGRA: Alba, Olalla, María, Yessica e Diana ; tamén xogaron : María Corrochano, Dessi e Lucía.

FISOBER B : Martina, Paula, Laura, Inés e Natalia ; tamén xogaron : María, María Maroñas, Iria, Tamara, Noe e Cris.

Árbitro e crono : Santiago Madroño e Jacobo Recouso.

GOLES : 1-0 Dessi, 2-0 Diana, os dous na segunda metade.

Volvía o filial a competición despois do parón de Nadal na mañá do domingo e non lle sentou nada ben o madrugón, xa que fixo un mal partido na súa visita a Carral e voltou a casa coa derrota no seu peto.

O arranque do partido xa marcou como sería. As locais chegaron máis e con máis perigo ante un moi impreciso filial. Nos primeiros minutos o Fame Negra tivo unha serie de boas ocasións pero erraban no remate final ante a portería defendida por Martina.

Os minutos foron pasando e o filial comenzou a chegar algo a porta contraria por medio de María, Inés ou Paula, pero tampouco creando excesivo perigo. Parecía que se igualaban un pouco as ocasións.

A ocasión máis clara para as locais foi un toque co calcaño que non foi gol por moi pouco.

Nos derradeiros segundos da primeira metade  unha contra deixou sola a Inés ante a porteira local pero errou na definición .

O inicio  da segunda metade deixou de novo unha clara ocasión para as visitantes cando un roubo de Paula propiciou que esta encarara a porteira pero de novo erraba na definición.

Aínda así a tónica do partido non cambiou e as mellores ocasións eran para as locais, que se sentían máis cómodas no mesmo.

E así foi ata que unha perda propiciou unha contra na que Dessi a pracer poñía en vantaxe as locais. Foi un duro golpe para as visitantes, que xogaron aínda máis nerviosas e precipitadas  incapaces de apenas combinar. Os minutos ían pasando e as ocasións do filial chegaban con máis corazón que cabeza.

O Fame Negra tentaba aproveitar iso buscando unha contra que rematara definitivamente co partido, con ese guión no partido  foron pasando os minutos ata que Diana marcaba o segundo e definitivo gol.

O filial seguiu buscando un gol para reducir diferenzas , un gol que non foi quen de acadar e os puntos quedáronse con xustiza na casa.